سویڈش کرکٹ فیڈریشن کی جانب سے سویڈن میں کرکٹ کے فروغ کے لیے 16 کرکٹ کلب کو ترقیاتی فنڈز دے دیئے گئے ہیں۔ اس کے علاوہ سویڈش کرکٹ فیڈریشن نے اضافی ایک لاکھ سویڈش کرونا مختص کیے ہیں۔ وہ کرکٹ کلب جنہوں نے ابھی تک ترقیاتی فنڈ کے لیے درخواست نہیں دی ہے، اپنی حکمت عملی اور پلان فیڈریشن کو دے کر اس سے فائدہ اٹھا سکتے ہیں۔
اردو قاصد سے بات کرتے ہوئے کرکٹ فیڈریشن کے پروجیکٹ ہیڈ جناب اعظم خلیل کا کہنا تھا کہ: سویڈن میں کرکٹ کے فروغ اور نئے کھلاڑیوں کو کرکٹ کی طرف راغب کرنے کے لیے جو کلب کوشاں ہیں ان کے لیے ابھی بھی موقع ہے کہ وہ اس پروجیکٹ کا حصہ بن سکتے ہیں۔
27
