4

”سبق آموز کہانیاں- 1 “ کا ترکی زبان میں ترجمہ

سویڈن میں مقیم کالم نگار اور ادیب عارف محمود کسانہ کی بچوں اور نوجوانوں کے لیےلکھی گئی عالمی شہرت یافتہ کتاب ”سبق آموز کہانیاں -۱“ کا ترکی زبان میں بھی ترجمہ ہوگیا ہے۔ یہ ترجمہ استنبول یونیورسٹی میں شعبہ اردو کے سربراہ پروفیسر ڈاکٹر خلیل طوقار کی نگرانی میں مکمل ہوا ہے۔ استنبول یونیورسٹی کے شعبہ اردو میں محقق محسن رمضان ایسور نے سبق آموز کہانیاں -۱ کا ترکی زبان میں ترجمہ کیا ہے اور یہ کتاب جلد ہی شائع ہو گی۔عارف کسانہ نے اپنی اس کتاب میں بچوں اور نوجوانوں کے اسلام کے بارے میں کیے گئے سوالات کے قرآن حکیم اور اسوہ حسنہ کی روشنی میں دلچسپ کہانیوں کی صورت میں جوابات دیئے ہیں۔ اس کتاب سے اساتذہ اور والدین بھی استفادہ کررہے ہیں۔ یہ کتاب دنیا بھر میں مقبول ہوئی ہے اور اب تک اٹھارہ زبانوں میں اسکا ترجمہ ہوچکا ہے۔ اردو میں یہ کتاب نیشنل بک فاؤنڈیشن اسلام آباد نے شائع کی ہے جو پاکستان بھر میں دستیاب ہے اور حال ہی میں اس کا تیسرا ایڈیشن شائع ہوا ہے۔

اس خبر پر اپنی رائے کا اظہار کریں

اپنا تبصرہ بھیجیں