معروف گلوکار استاد راحت فتح علی خان کے 2014 میں ریلیز کیے جانے والے گانے ‘ضروری تھا’ نے اگرچہ 6 سال قبل کئی ریکارڈ اپنے نام کیے تھے۔
تاہم اب ان کے اسی گانے نے ایک نیا ریکارڈ بناتے ہوئے سب کو پیچھے چھوڑ دیا۔
استاد راحت فتح علی خان نے اپنی ٹوئٹ میں بتایا کہ ان کے 2014 میں یونیورسل میوزک کے بینر تلے ریلیز کیے گئے گانے ‘ضروری تھا’ نے نیا ریکارڈ بناتے ہوئے یوٹیوب پر ایک ارب ویوز حاصل کرلیے۔
گلوکار نے 25 اگست کو اپنی ٹوئٹ میں بتایا کہ ان کے گانے نے یوٹیوب پر آفیشل ویوز ایک ارب حاصل کرلیے ہیں۔
#UstadRahatFatehAliKhan – Let's Countdown #ZarooriTha to a Billion (1,000,000,000) Official Views
Let's Celebrate This Milestone Togetherhttps://t.co/jxmKeeJ57s@UMusicIndia @ItsSalmanAhmed @DevrajSanyal @NaughtyBoyMusic @KushalT2803 @GAUAHAR_KHAN
@UMI_MaK @vinitthakkar pic.twitter.com/REsnugJmdO— Rahat Fateh Ali Khan (@RFAKWorld) August 25, 2020
راحت فتح علی خان کے یوٹیوب چینل پر موجود مذکورہ گانے کو 90 کروڑ سے زائد بار دیکھا جا چکا ہے۔
راحت فتح علی خان کے اسی گانے کو یونیورسل میوزک سمیت کئی دیگر یوٹیوب چینلز نے بھی جاری کر رکھا ہے، جب کہ اسی گانے کو 2015 کی بولی وڈ فلم ‘ہماری ادھوری کہانی’ میں بھی شامل کیا گیا تھا۔
‘ہماری ادھوری کہانی’ فلم میں شامل کیے گئے راحت فتح علی خان کے اسی گانے کی ویڈیو کو یوٹیوب پر 35 لاکھ کے قریب بار دیکھا جا چکا ہے۔ راحت فتح علی خان کے اس مقبول گانے کی شاعری ڈراما ساز و شاعر خلیل الرحمٰن قمر نے لکھی ہے اور اسے سلمان احمد نے پروڈیوس کیا تھا۔ ‘ضروری تھا’ نے جہاں یوٹیوب پر ایک ارب آفیشل ویوز حاصل کرلیے ہیں، وہیں مذکورہ گانے کی ویڈیو پاکستان میں یوٹیوب پر دیکھی جانے والی سب سے زیادہ ویڈیو بھی بن گئی۔
