جونٹی رہوڈز سویڈن آئیں گے، سویڈش کرکٹ فیڈریشن نے جنوبی افریقہ کےمشہور زمانہ فیلڈر جونٹی رہوڈز کو سویڈش کرکٹ ٹیم کا ہیڈ کوچ مقرر کرنے کی تصدیق کی ہے۔
سویڈش کرکٹ فیڈیریشن کا کہنا ہے کہ جنوبی افریقی کرکٹ کے عظیم کھلاڑی جونٹی رہوڈز کی بطور ہیڈ کوچ تقرری سویڈش جونیئر کرکٹ کی اعلی کارکردگی اور ترقی میں بہترین سرمایہ کاری ہے۔
جنوبی افریقہ کے سپر اسٹار کرکٹر جونٹی رہوڈز تیزی سے بڑھتے ہوئے سویڈش کرکٹ فیملی کے ساتھ اپنی مہارت اور تجربے کو بانٹنے کے لئے سویڈن آرہے ہیں۔ جونٹی رہوڈز، جنہوں نے جنوبی افریقہ کی قومی ٹیم کے لئے کھیلتے ہوئے 10 سال سے زیادہ وقت گزارا اور ان کا نام دنیائے کرکٹ کے سب سے بڑے فیلڈر میں شمار ہوتے ہیں۔
جونٹی فی الحال انڈین پریمیر لیک کے لیے دبئی میں تعینات ہیں۔
کرکٹ سویڈن میں دوسرا تیزی سے ترقی کرنے والا کھیل ہے جس میں پچھلے 2 سالوں میں کھلاڑیوں کی شرکت میں 300فی صد اضافہ دیکھا گیا ہے۔ سویڈش کرکٹ فیڈریشن کرکٹ کی ترقی اور ترقی کی حکمت عملیوں پر عمل پیرا ہے جبکہ اس کھیل کو سویڈش باشندوں سے بھی متعارف کرایا گیا ہے۔
جونٹی رہوڈز نومبر 2020 میں سویڈن میں اپنی ذمہ داریاں سنبھالیں گے، جہاں وہ اسٹاک ہوم میں سویڈن کرکٹ فیڈریشن کے ہیڈکوارٹر میں قیام کریں گے۔
