Embed HTML not available.

محبت کا سفر آسان ہونا چاہیئے تھا

کبھی ایسا بھی تو فیضان ہونا چاہیئے تھا
محبت کا سفر آسان ہونا چاہیئے تھا

**********

بہت سی خواہشوں کی تتلیاں منڈلا رہی ہیں
میرے کمرے میں اک گلدان ہونا چاہیئے تھا

**********

اگر میں نے کسی کی راہ میں کانٹے نہ بوئے
تو میرا راستہ آسان ہونا چاہیئے تھا

**********

ہم اب اس بات پر حیران ہوتے ہی نہیں ہیں
ہمیں جس بات پر حیران ہونا چاہیئے تھا

**********

اندھیرے اور کھٹن سے تنگ آکر سوچتے ہیں
ہمارے گھر میں روشندان ہونا چاہیئے تھا

**********

یہ اتنی بھیڑ کیوں ہے بےحسی کی راہگزر پر
یہ رستہ تو بہت سنسان ہونا چاہیئے تھا

اس خبر پر اپنی رائے کا اظہار کریں

اپنا تبصرہ بھیجیں