کشمیر کمیٹی سویڈن کے انتخابات، نئے عہدیداران منتخب

18مارچ بروز اتوار سٹاک ہوم کے نواحی علاقے سولنا میں کشمیر کمیٹی سویڈن کے انتخابات میں بہت بڑی تعداد میں لوگوں نے منظم اور پرامن طریقے سے ووٹ ڈالے۔

—————————————————————

اگلے دو سال کے لیے عہدیداران کا انتخاب ووٹ کے ذریعے کیا گیا اور کُل 128 افراد جن میں خواتین او ر مرد دونوں شامل تھے اپنے ووٹ کے ذریعے نئے عہدیداران کا انتخاب کیا۔

ثمرین بیلا ایونٹ مینیجر پاکستان انفارمیشن اینڈ کلچرل سوسائٹی

—————————————————————

محمد شہزاد انصاری صدر پاکستان انفارمیشن اینڈ کلچرل سوسائٹی
—————————————————————

غزال مہدی ترجمان پاکستان انفارمیشن اینڈ کلچرل سوسائٹی
—————————————————————

مقصود خواجہ صدر پاکستان کرکٹ اینڈ کلچرل سوسائٹی

—————————————————————

برکت حسین بلامقابلہ کشمیر کمیٹی کے صدر جبکہ ظفر اقبا ل چوہدری 59 ووٹ لے کر نائب صدر منتخب ہوئے۔سردار تیمور عزیز 83 ووٹ لے کر ایک بار پھر جنرل سیکریٹری ، 69 ووٹ لے کر عامر جبار انفارمیشن سیکریٹری اور عامر ندیم 86 ووٹ لے کر چیف آرگنائزر منتخب ہوئے۔
الیکشن کمیشن کی ذمہ داریاں عارف کسانہ ، سردار علی لاشاری اور مسعود منہاس نے ادا کیں۔
نو منتخب عہدیداران نے تمام حاضرین کا شکریہ ادا کیا اور اس بات کی یقین دہانی کرائی کہ مظلوم کشمیری عوام کو درپیش مسائل کے حل کے لیے جدوجہد جاری رکھیں گے اور اس جدوجہد میں کسی قسم کی کسر نہیں چھوڑیں گے۔
نئی منتخب کمیٹی سے ہماری گزارش ہے کہ جلد از جلد کمیٹی کی ویب سائٹ کو درست اور بہتر کیا جائے اور تمام سوشل میڈیا کی ویب سائٹس کو بھی بروکار لایا جائے۔اپنے اس مشن کو آج کی دنیا کہ سامنے رکھنے کا اس سے بہتر کوئی ذریعہ نہیں۔
پاکستان انفارمیشن اینڈ کلچرل سوسائٹی کی جانب سے ہم تمام منتخب عہدیداران کو مبارک باد پیش کرتے ہیں۔