پاکستان زندہ باد سویڈن کے زیر اہتمام جشن آزادی پاکستان کی اہم تقریب مورخہ 19 اگست بروز اتوار ٹھیک دو بجے شیستا، اسٹاک ہوم منعقد ہورہی ہے۔ اس تقریب کو’’ جشن آزادی بچوں کے ساتھ‘‘ کا نام دیا گیاہے۔ پاکستان زندہ باد سویڈن نامی تنظیم جناب عمران کھوکھر کی قیادت میں ہر سال بچوں کے ساتھ جشن آزادی کا ایک شاندار پروگرام ترتیب دیتی ہے۔ اس پروگرام میں بچے علاقائی اور قومی لباس میں ملبوس ہوکر ملی نغمے اور دوسرے پروگرام پیش کرتے ہیں۔ تحریک پاکستان کے حوالے سے ذہنی آزمائش کے مقابلے پروگرام کا اہم حصہ ہوتے ہیں۔ اس علاوہ بچوں کی دلچسپی کے لیے اور بہت سی سرگرمیاں شامل ہوتی ہیں۔ 19 اگست اتوار کو ہونے والی اس تقریب کے مہمان خصوصی سویڈن میں پاکستان کے سفیر عزت مآب احمد حسین دائیو ہوں گے۔ اس پروگرام میں بچوں کے ساتھ بڑے بھی بہت جوش و خروش کے ساتھ شرکت کریں گے۔
15
