سٹاک ہوم (عارف کسانہ؍ نمائدہ خصوصی)عالمی اقتصادی فورم نے سال ۲۰۱۶ ء کے لئے سویڈن کو دنیا کا بہترین ملک قرار دیاہے ۔ ۱۳۹ ممالک کے مابین مقابلے میں سویڈن تمام ۹ شعبوں میں اول آنے کی وجہ سے دنیا کا بہترین ملک قرار دیا گیا ہے۔ جن ۹ امور میں دنیا بھر کے ممالک کا جائیزہ لیا گیا ان میں سرمایہ کاری اور تجارت کے مواقع، عالمی سطح پر مقابلہ ، صنفی مساوات،کم ترین بدعنوانی کی شرح ، نئی چیزوں اور ٹیکنالوجی میں انتہائی جدیدیت ، طاقت ور پاسپورٹ جس کا دنیا کے ۱۷۶ ممالک میں بغیر ویزے کے داخلہ ممکن ہے۔
دیگر امور میں انگریزی مادری زبان نہ رکھنے والے ممالک میں سب سے زیادہ اس زبان پر دسترس، دنیا بھر میں سب سے زیادہ اچھی ساکھ رکھنے والا ملک اور عمر رسیدہ افراد کے لئے دنیا بھر میں بہترین سہولتیں دینے والا ملک ہے۔ بین الاقوامی سطح پر بہترین ساکھ رکھنے والے پہلے دس ممالک کی فہرست میں سویڈن کے بعد بالترتیب کینیڈا، سوئٹزرلینڈ، آسٹریلیا، ناروے، فن لینڈ، نیوزی لینڈ، ڈنمارک، آئرلینڈ اور نیدر لینڈز شامل ہیں ۔
21
