Urdu Poetry Jamil Ahsan 249

جمیل احسن کا منتخب کلام

زخم کیا سب کو دکھانے کے لئے ہوتے ہیں
یہ خزانے تو چھپانے کے لئے ہوتے ہیں
میرا چہرہ تو مری جان تری جانب ہے
باقی چہرے تو زمانے کے لئے ہوتے ہیں
دل کی بستی جو اجڑ جائے تو بستی ہی نہیں
شہر اجڑیں تو بسانے کے لئے ہوتے ہیں
روح افلاک پہ پرواز کیا کرتی ہے
جسم تو خاک میں جانے کے لئے ہوتے ہیں
دل کی آواز اگر شعر میں شامل ہے جمیل
شعر محفل میں سنانے کے لئے ہوتے ہیں

اس خبر پر اپنی رائے کا اظہار کریں

اپنا تبصرہ بھیجیں