پاکتانی پیسر نے تھوک سے بال چمکا کر آئی سی سی کی پابندی کی خلاف ورزی کی(فوتو، فائل)
لندن: انگلینڈ کے خلاف پہلے ٹی ٹوئنٹی میچ میں محمد عامر کورونا ایس او پیز کی خلاف ورزی کرتے نظر آئے۔
آئی سی سی کی جانب سے دی جانے والی گائیڈ لائنز میں واضح کیا گیا تھا کہ کوئی بولر ہو یا کھلاڑی گیند کو چمکانے کیلیے لعاب دہن یا تھوک کا استعمال نہیں کرسکتا لیکن محمد عامر زبان سے تھوک لگانے کے بعد گیند پر استعمال کرتے نظر آرہے ہیں۔
پیسر اپنے گھر بیٹی کی ولادت کے بعد دورہ انگلینڈ سے دست بردار ہوگئے تھے۔بعد ازاں دستیابی ظاہر کی تو انھیں انگلینڈ روانہ کیا گیا۔ دیگر کھلاڑی زیادہ عرصہ بائیو سیکیور ماحول میں اکٹھے رہے اور ایس اوپیز کے بھی عادی ہوگئے۔ محمد عامر شاید اسی لیے بھول گئے کہ گیند کو تھوک کے بجائے پسینہ سے چمکانا ہے۔
