احتیاطا متاثرہ عمارت کی قریبی عمارتیں بھی خالی کروا لی گئی ہیں(فوٹو، ٹوئٹر)
ابو ظہبی: متحدہ عرب امارات کے دارالحکومت کے ایک ریستوران میں گیس سلینڈر کے دھماکے میں دو افراد ہلاک اور متعدد زخمی ہوگئے۔
ابو ظہبی میڈیا آفس کے مطابق ابتدائی تحقیقات میں یہ بات سامنے آئی ہے کہ گیس کنٹینیر کی مس فٹنگ کی باعث ری فیولنگ کے دوران دھماکا ہوا۔ جائے حادثہ کے نزدیک موجود اور ایک راہ گیر دھماکے کے باعث ہلاک ہوگئے۔
عرب خبر رساں ادارے کے مطابق پولیس نے راشد بن سعید اسکوائر میں واقع متاثرہ عمارت کو خالی کروالیا ہے اور اس کے قریبی عمارتوں کا بھی جائزہ لیا گیا ہے۔
علاوہ ازیں پولیس نے عوام کو افواہیں پھیلانے سے باز رہنے اور صرف سرکاری ذرائع سے حاصل ہونے والی معلومات پر انحصار کی ہدایت جاری کی ہے۔
